АҚШ-та осыдан тура 14 жыл бұрын террорлық шабуылдарда құрбан болғандарды еске алу шаралары өтеді.
2001 жылы 11 қыркүйекте төрт ұшақты басып алған терроршылар екі ұшақты Нью-Йорктегі Дүниежүзілік сауда орталығының қос ғимаратына, үшіншісін – Вирджиния штатындағы қорғаныс министрлігі кеңсесі – Пентагонға бағыттап, соққан. Төртінші ұшақ Пенсильвания штатына құлаған еді.
Терактіден қаза тапқан үш мыңға тарта адамды еске алу үшін АҚШ-та 11 қыркүйекте «Патриоттар күні» аталып өтеді. Шабуылдар құрбандарын еске алу күні барлық мемлекеттік органдарда тулар төмен түсіріледі.
АҚШ-та бүгін жергілікті уақыт бойынша таңертеңгі 8 сағат 46 минутта бір минут үнсіздік орнайды.
АҚШ әділет министрлігі 10 қыркүйекте теракт құрбандарын еске алу мемориалында «жарылыс жасамақшы болған» деген күдікпен бір адамды тұтқындағанын мәлімдеді.
