Ауғанстанда АҚШ-тың С-130 "Геркулес" деп аталатын әскери жүк тасымалдайтын ұшағы апатқа ұшырады. Агенттіктердің Пентагонға сілтеме жасап хабарлауынша, апаттан 10 адам қаза тапқан.
Оқиға Жалалабад әуежайында Астана уақыты бойынша 01:30-да болған. Қаза тапқандардың бесеуі экипаж мүшелері, бесеуі жолаушылар.
Мерт болған жолаушылар АҚШ бастаған халықаралық коалициямен келісім-шартпен жұмыс істеген. Ұшақ апатқа ұшырар алдында атыс үні естілмеген. Қазір оқиғаның себептері тексеріліп жатыр.
