Қазақстандық теннисші Зарина Дияс әлемдік рейтингте 45-орынға түсіп қалды.
Дияс 4 қазанда China Open-2014 жарысының бірінші кезеңінде жарақатына байланысты кездесуден бас тартқан.
Осыдан кейін ол рейтингте 43-орыннан 45-орынға төмендеді. Дияс Қытайдағы жарыстан кейін әлеуметтік желідегі парақшасында биылғы маусымда аяқтайтынын жазды.
Дияс биылғы жылдың басында 31-орында болған. Маусым басында ол ТОР-20 теннисшінің қатарына енуді көздейтінін де айтқан.
Тағы бір қазақстандық теннисші Юлия Путинцева 79-орыннан 80-орынға түссе, Ярослава Шведова 89-орыннан 86-орынға шықты.
Ал әлемдік рейтингте америкалық Серена Уильямс көш бастап тұр.
