Украина әскері мен сепаратистер елдің шығысындағы соғыс аймағынан шағын калибрлі қаруларын шығара бастады.
Украина әскерінің өкілі Руслан Ткачук екі тарап Луганск облысынан танк, миномет және тағы басқа атқыш қаруларды 5 қазаннан шығара бастағанын айтады. Бұл ақпаратты сепаратистер де растады. Олар алдағы уақытта Донецк облысынан да қарулар шығарылуы мүмкін екенін айтты.
Бұл - ақпандағы Минск шартына сай басталған процесс. Қарулардың шығарылуын ОБСЕ өкілдері бақылап жатыр.