АҚШ Гуантанамодағы әскери базада отырған бес тұтқынды Біріккен Араб Әмірліктеріне (БАӘ) экстрадициялағанын хабарлады. Пентагон 15 қарашада таратқан ақпаратында БАӘ билігінің АҚШ-тың Гуантанамодағы түрмені жабу әрекетін қолдау ниетіне алғыс білдірген.
АҚШ Кубадағы Гуантанамо әскери-теңіз күштері базасында орналасқан, терроризм айыбымен сотталғандар отыратын түрмедегі тұтқындарды біртіндеп босатып, түрмені жаппақ ниетте. Вашингтон бұған дейін ондаған тұтқынды бірнеше елге табыстаған.
Гуантанамода әлі 107 тұтқын жазасын өтеп жатыр.