Қазақстан парламенті сенаты бүгін «Мемлекеттік сатып алулар туралы» заң жобасын мақұлдады.
Заң жобасында мемлекеттік сатып алу процесін жеңілдету, коррупциялық қауіптерді азайту, тапсырысты орындаушылардың құқығы мен заңды мүдделерін қорғаудың оңтайлы тетіктерін енгізу қарастырылған.
Бұған қоса мемлекеттік сатып алуға қатысушылардың жауапкершілігін күшейту де қамтылған.
