Қырғызстан президенті Алмазбек Атамбаев дін істері жөніндегі комиссия директоры Орозбек Молдалиевпен кездесуде қауіп-қатер мен келеңсіз жайттардың алдын алуға дер кезінде шара қабылдауды қамтамасыз ету үшін елдегі діни ахуалдың жайына мониторинг бойынша жұмыстарды күшейтуді тапсырды деп хабарлайды президенттің баспасөз қызметі.
Атамбаев діни саладағы мемлекеттік саясат тұжырымдамасын жүзеге асыру барысымен, сонымен бірге, елдегі діни жағдайды зерттеу, талдау және мониторинг жүргізудің ұлттық жүйесін құру мақсатында дін істері жөніндегі мемлекеттік комиссия жанынан діни ахуалды зерттейтін орталық құру жайымен танысқан.
