Accessibility links

Актер Меңтай Өтепбергенов дүние салды


Кинофестивальдегі қызыл кілем. Көрнекі сурет
Кинофестивальдегі қызыл кілем. Көрнекі сурет

70-ке қараған шағында Алматыда белгілі қазақ актері Меңтай Өтепбергенов дүние салды. Қаралы хабарды Астана қаласы әкімінің орынбасары Ермек Аманшаев Twitter-де жариялады. Актердің ұзаққа созылған ауыр науқастан көз жұмғаны айтылады.

ВГИК түлегі Меңтай Өтепбергенов «Ақ шаман», «Тайны мадам Вонг», «Интердевочка», «Рэкетир» және «Шанхай» фильмдеріндегі рөлдері арқылы көрермен есінде қалды. Ол «Гүлдер» эстрадалық ансамблін құрушылардың бірі еді. СССР-дің 13 киностудиясында 47 кинокартинаға түскен актер "Құлагер-2009" Ұлттық кинематография сыйлығының лауреаты атанған.

Коллекционер және филателист ретінде де танылған Меңтай Өтепбергенов 1999 жылы КИНЭС Қазақстан рекордтар кітабына "Маркадағы әлем киносы" атты кітап авторы ретінде кірген.

Актердің жаназасы 7 қаңтарда шығарылады.

  • 16x9 Image

    Гүлбану ӘБЕНОВА

    Гүлбану Әбенова - 2008 жылдың тамызына бері Азаттық радиосы сайтының авторларының бірі. Мәскеу гуманитарлық университетінің тарих факультетін тәмамдаған, Ұлттық өнер академиясында театр сыншысы оқуын бітірген, Евразия ұлттық университетінің магистратурасын «Әлеуметтану» мамандығы бойынша аяқтаған. «Экспресс К» газетімен, басқа да қазақстандық басылымдармен әріптес болған. 1999 жылдан бері Қазақстан Журналистер одағының мүшесі.

XS
SM
MD
LG