АҚШ президенті Барак Обама АҚШ-та мұсылмандарға қарсы пікірлердің көбеюінен сақтандырып, бұл елдегі мұсылмандар жетекшілерін исламды экстремистік сипатта түсіндіруге қарсы тұруға шақырды.
3 ақпанда Балтимор қаласындағы Ислам орталығына барып, баяндама жасаған Обама АҚШ тарихында болған оқиғалар мен Құраннан кезек-кезек үзінділер келтіріп, төзімділікке шақырды. "Біз жалған наным мен қате түсінікпен алдап, адамдарға дін үшін қауіп төндіруді көздейтін саясатты қабылдамауымыз керек" деді Обама. Ол америкалықтарды исламға қарсы пікір айтудан аулақ болуға кеңес берді.
Обама АҚШ президенті болғалы бері мешітке алғаш рет барып тұр және ол сапар елдегі президент сайлауы кезінде кейбір исламға қарсы пікірлерге қарсы тұру үшін жасалып отыр.
Обама сөз сөйлейтіні қарсаңында елдегі бірнеше мұсылман діни жетекшілері және белсенділермен кездесті. Балтимордағы Ислам орталығына жақындағанда Обаманың кортежін исламға қарсы ұрандар айтқа бірнеше демонстрант күтіп тұрды.
2015 жылы желтоқсанда Калифорния штатының Сан-Бернардино қаласында исламшыл экстремистер шабуылынан 16 адам қаза тапқан соң АҚШ қоғамында исиамға қарсы көңіл-күй бірден күшейген.
