Тайваньда бүгін жергілікті уақытпен таңғы сағат төртке қарай күшті жер сілкінісі болып, салдарынан бес адам қаза тауып, жүзден аса адам зардап шеккен. АҚШ геология қызметінің хабарлауынша, 6,4 магнитудалы жер сілкінісіні аралдың оңтүстік бөлігінде болған.
Сілкініс ошағы жер бетінен он километр тереңдікте болған деп хабарланды.
Екі миллион адам тұратын Тайнань қаласында бірнеше ғимарат құлап, кейбірінің астында адамдар қалып қойған. Кейбір мәліметтер бойынша, құтқарылған адам саны 200-ден асады.
