Футзалдан Қазақстан құрамасы Сербияда өтіп жатқан Еуропа чемпионатының жартылай финалында Испания құрамасынан 3:5 есебімен ұтылды.
Бразилиялық маман Какау жаттықтыратын Қазақстан құрамасы 9 ақпан күні ширек финалда Италияны 5:2 есебімен жеңген. Италия құрамасы 2014 жылы Еуропа чемпионатын ұтып алған. Қазақстан құрамасынан Довгань, Серік Жаманқұлов пен Лео гол салды.
Қазақстан құрамасы 13 ақпанда үшінші орын үшін таласта жартылай финалда Ресейден 2:3 есебімен ұтылған Сербия құрамасымен ойнайды.
Қазақстан топтық кезеңде Ресейден жеңіліп, Хорватияны жеңген еді.
