Accessibility links

Сирия: Қоршаудағы аудандарға БҰҰ көмегі жетті


Дамаскінің шығыс жағындағы көтерілісшілер бақылауында тұрған Кафр Батна ауданына жеткен гуманитарлық жүк көліктері. Сирия, 23 ақпан 2016 жыл.
Дамаскінің шығыс жағындағы көтерілісшілер бақылауында тұрған Кафр Батна ауданына жеткен гуманитарлық жүк көліктері. Сирия, 23 ақпан 2016 жыл.

Сирияда АҚШ пен Ресей жасасқан бітім күшіне енген соң, қоршауда қалған аудандарға гуманитарлық жүк жеткізіле бастады. Халықаралық Қызыл Жарты Ай комитетінің мәліметінше, жапқыштар мен гигиеналық заттар тиеген 10 жүк көлігі Дамаскіден оңтүстік-батыстағы Маадамия қаласына кірді. БҰҰ салыстырмалы түрде болса да орнаған тыныштықты пайдаланып, алдағы бес күнде қоршауда қалған аудандардағы 154 мың тұрғынға көмек заттарды үлестіруден үміттенеді.

Бұған дейін БҰҰ бас хатшысы Пан Ги Мун бітім орнаған 27 ақпаннан бері зорлық-зомбылық пен қақтығыс азайғанын мәлімдеді.

АҚШ қорғаныс министрі Эштон Картер халықаралық коалиция "Ислам мемлекеті" (ИМ - Қазақстанда тыйым салынған террористік ұйым - ред.) экстремистік ұйымымен күресті жалғастыратынын хабарлады. Ресей де бітім келісімшарты бойынша, БҰҰ террористік деп таныған топтардың шептерін шабуылдайтынын мәлімдеді.

XS
SM
MD
LG