Ресейде күн сайын зорлық-зомбылықтың салдарынан сегіз бала не жасөспірім көз жұмады деп хабарлады ол елдің федерация кеңесінің спикері Валентина Матвиенко.
Оның сөзінше, 2014 жылы балаларға қатысты жасалған 95 мыңнан астам қылмыстың 15 мыңы - ауыр және өте ауыр қылмыс. Матвиенконың айтуынша, мұндай қылмыс саны соңғы уақытта көбейіп кеткен. Ол "бұл құбылысқа экономикалық қиындықтардан гөрі отбасы институтының әлсіреуі әсер еткен" дейді.
Ресей федерация кеңесінің спикері балаларды зорлық-зомбылықтан қорғау проблемасы әлі күнге дейін шешімін таппағанын айтады.
