Өткен түнде Алматыдан оңтүстік-батысқа қарай 141 километр қашықтықта 4,9 магнитудалы жер сілкінісі тіркелді деп хабарлайды Қазақстан білім және ғылым министрлігінің сейсмологиялық әдістеме-тәжірибелік орталығы.
9 сәуір күні Алматы уақытымен сағат 23:56 кезінде тіркелген жер сілкінісі Қырғызстан аумағында, жердің бес километр терең қабатында болған деп хабарланды.
Жерасты дүмпуінің өзге аймақтарға сезілгені туралы мәлімет жоқ.
