Accessibility links

Футзалдан Қазақстан құрамасы ӘЧ-ге жолдама алды


Қазақстан футзал құрамасы (Сурет Қазақстан футзал ассоциацияның ресми сайтынан алынды).

Футзалдан Қазақстан құрамасы Алматыда өткен іріктеу жарысының шешуші кезеңінде Польша құрамасын 7:0 есебімен жеңіп, биыл Колумбияда өтетін әлем чемпионатына жолдама алды. 23 наурызда Польшадағы алғашқы матч 1:1 есебімен аяқталған.

Матчтың 2-минутында Қазақстан құрамасының қақпашысы Игитаның алыстан тепкен добы Польша қақпасына еніп, есеп ашылды. Араға үш минут салып, құрама капитаны Серік Жаманқұлов қарсыластарының қорғанысындағы қателікті пайдаланып, есепті еселеді. Ал 7-минутта Қазақстан құрамасындағы бразилиялық Дуглас есепті 3:0-ге жеткізді. 13-минутта Серік Жаманқұлов, 15-минутта Дуглас өздерінің екінші голдарын салды. Бірінші тайм 5:0 есебімен аяқталды.

Екінші таймда Қазақстан құрамасы сапынан Лео мен Арнольд Кнауд бір-бір голдан салды.

Қазақстан құрамасы әлем біріншілігіне екінші рет қатысайын деп отыр. Әлем чемпионаты 10 қыркүйек пен 2 қазан аралығында Колумбияда өтеді. Жарысқа әлемнен 24 команда қатысады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

XS
SM
MD
LG