Грозный қаласында бақылау-өткізу пунктіне содырлар шабуыл жасап, алты полицейді жаралады деп хабарлады Шешенстан ішкі істер министрлігінің баспасөз қызметі. Үш полицейдің жарақаты аса ауыр.
Гранатамен қаруланған екі адам Грозный маңындағы бақылау орнына бүгін таңертең шабуыл жасаған. Атыс кезінде олардың бірі оққа ұшып қаза тапқан, екіншісі өзін-өзі жарып жіберген деп хабарлайды Шешенстандағы дереккөзіне сілтеме жасаған "Интерфакс" агенттігі.
