Accessibility links

ІІМ пионер лагеріне оқ атылғанын терістеді


Ақтөбе көшесіндегі полиция көліктері. 8 маусым 2016 жыл (Көрнекі сурет).
Ақтөбе көшесіндегі полиция көліктері. 8 маусым 2016 жыл (Көрнекі сурет).

Ішкі істер министрлігі «8 маусымда Ақтөбеде пионер лагерінің күзетіне оқ атылғаны» туралы ақпаратты терістеді.

«Ішкі істер органдарына Ақтөбе облысындағы жазғы лагерьдің күзетшілеріне қарудан оқ атылғаны туралы ақпарат келіп түсті. Содан кейін бұл ақпарат тексерілді. Ақпарат расталмады. Қылмыскерлерді ұстау бойынша жарақаттанғандар саны бұрынғыша төртеу. Ішкі істер органдарының жеке құрамы әлі күнге дейін күшейтілген режимде жұмысын жалғастырып жатыр» деді министрліктің ресми өкілі Алмас Садубаев Азаттық тілшісіне.

«Сонда Ұлттық қауіпсіздік комитеті басшысы президентке тексерілмеген ақпаратты баяндаған ба?" деген сұраққа ол: «Жоқ, ол кезде сондай ақпарат түсті деп қана айтқан болатын» деді Садубаев.

Бүгін Қазақстан президенті Нұрсұлтан Назарбаевпен кездесуде Ақтөбеде террорға қарсы операцияның аралық есебін баяндау кезінде ҰҚК басшысы Владимир Жұмақанов "Ақтөбеде бүгін таңертеңгі сағат 8 шамасында пионерлер лагерінің күзетіне ақ түсті Lada көлігінен тегіс ұңғылы қарудан "оқ атылғаны" туралы" хабарлаған еді.

  • 16x9 Image

    Мақпал МҰҚАНҚЫЗЫ

    1985 жылы дүниеге келген.
    2006 жылы Абылай хан атындағы Қазақ халықаралық қатынастар және Әлем тілдері университетін бітірген.
    2007 жылдан бері Азаттық радиосының тілшісі.

    Мақпал жаңа технологиялар, блогосфера, жастар өмірі мен түрлі әлеуметтік мәселелер туралы жазады. Автормен оның Facebook парақшасында да пікірлесуіңізге болады.

XS
SM
MD
LG