Йеменнің оңтүстік жағалауындағы Мукалла үкімет әскеріне жасалған бірнеше шабуылдан 12 сарбаз қаза тапты деп хабарлады қауіпсіздік күштері мен дәрігерлер. Мукалла - "Әл-Қаида" ұйымының Йемендегі негізгі тірегі саналады.
Кейбір шенеуніктердің хабарлауынша, бірнеше жерде жарылған бомбадан қаза қапқандар саны 38-ге жетіп, 24 адам жараланған. Жаралылар арасында бейбіт тұрғындар да бар. Шабуылдарға жауапкершілікті "Ислам мемлекеті" (ИМ) экстремистік тобы мойнына алды.
Ресми органдар шабуылдар барлау қызметі, армия казармаларына және бақылау-өткізу бекеттеріне сарбаздар ауызашар мезгілде шабуыл жасалғанын айтады.
ИМ мен "Әл-Қаида" екеуі де Йеменде әрекетін күшейтіп, елдегі шииттік хуситтер мен президент Абд Раббу Мансур Хади жақтастары арасындағы азаматтық соғысты өз мақсаттарына пайдалануға тырысып жатыр.
