Accessibility links

Әлемдік рейтингте 96-орында тұрған қазақстандық теннисші Ярослава Шведова Лондонда өтіп жатқан Wimbledon жарысының төртінші айналымына шықты. Ол үшінші айналымда әлемнің 81-ракеткасы германиялық Сабин Лисицкиді 7:6, 6:1 есебімен жеңді.

Енді Шведова төртінші айналымда чехиялық Люси Шафаржовамен кездеседі.

Шведова екінші айналымда әлемнің 20-ракеткасы украиналық Элина Свитолинадан басым түскен.

Ал Қазақстанның бірінші ракеткасы Юлия Путинцева Wimbledon жарысының екінші айналымында ресейлік Анастасия Павлюченковадан жеңіліп қалған.

Wimbledon - Grand Slam санатына кіретін әлемдегі ең ірі төрт жарыстың бірі. Биылғы сын шілденің 10-да аяқталады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері. 2012 жылдан бері "Азаттық" радиосының тілшісі. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG