Ливияда бомба қойылған машина жарылып, 11 әскери қызметкер мерт болды деп мәлімдеді ел үкіметі.
Жарылыс елдегі ірі қалалардың бірі Бенгазиде болған. Көліктегі жанкешті қаладағы әскери штабтың жанында бомбаны іске қосқан. Оқиға Ораза айттың алғашқы күні кешкі намаз кезінде болған.
Жарылысты әзірге ешбір ұйым мойнына алған жоқ. Жергілікті Al Wasat сайтының жазуынша, шабуылды "Ислам мемлекеті" экстремистік тобы ұйымдастыруы мүмкін.
