Македония астанасы Скопьенің маңында қатты дауылдан кейінгі су тасқынынан кем дегенде 20 адам қаза тауып, жүздеген адам зардап шекті. Жергілікті ақпарат құралдары зардап шеккендің көпшілігі жеңіл жараланған дейді. Македония үкіметі табиғат апатына байланысты елде төтенше жағдай жариялады. Апат аймағынан 1 мыңға тарта адам эвакуацияланды.
Соңғы мәліметтер бойынша, түнде соққан күшті желдің жылдамдығы сағатына 70 километрге жеткен. Жекелеген аудандарда судың деңгейі бір жарым метрге дейін жетті. Скопьені айналып өтетін жол қатты зардап шекті.
