Accessibility links

АҚШ Қырым татарларына тағы да қолдау білдірді


АҚШ мемлекеттік департаменті өкілі Марк Тонер.
АҚШ мемлекеттік департаменті өкілі Марк Тонер.

АҚШ Ресей аннексиялап алған Қырымдағы жергілікті татарлар меджлисінің «Ресей территориясындағы» қызметіне салынған тыйымды қуаттаған Ресей Жоғарғы соты қаулысын заңды деп танымайды.

Вашингтон Ресейдің меджлисті «экстремистік» ұйым деп сипаттауымен келіспейді және меджилстің қызметіне тыйым салуды айыптайды. Вашингтондағылар Ресей Жоғарғы сотының қаулысының Қырым татарларына деген ресейлік билік орындарының «әділетсіз және жүйелі» іс-әрекеттері аясында қабылдануы «өте қобалжытатынын» айтады.

АҚШ мемлекеттік департаменті мәлімдемесінде Қырымның байырғы тұрғындарының жөн-жосықсыз тұтқындалып, ұрланатыны, саяси астар бойынша қуғын-сүргінге ұшырап, олардың үйлері мен мешіттерге билік полиция рейдтерін жүргізетіні айтылған. «Ресейді жол беруге болмайтын мұндай іс-әрекеттерді дереу доғаруға шақырамыз» делінген мәлімдемеде.

Мемлекеттік департамент өкілі Марк Тонер Ресейдің Қырымды аннексиялап алуын Вашингтонның мойындамайтыны туралы және Украинаға Қырымды қайтарып беруге Мәскеуді шақырған АҚШ-тың бұған дейін де бірнеше мәрте жасаған мәлімдемесін қайталаған.

XS
SM
MD
LG