Еуропа Одағы (ЕО) елдерінің қаржы министрлері Ресей Украинадан аннексиялап алған Қырымдағы шенеуніктерге байланысты жаңа санкцияларды мақұлдады. "Олар Брюссельде өткен жиында Украинаның тұтастығын бұзатын адамдарға қарсы жаңа санкциялық тізімді қабылдады" деп хабарлады ұйымға биыл төрағалық етіп отырған Словакияның министрі Петер Казимир.
ЕО Қырымды Ресейге қосып алудағы рольдеріне бола және Шығыс Украинадағы сепаратистерді қолдағандары үшін 151 адам мен 37 компанияға қаржылық және визалық шектеу қойған.
