Accessibility links

Қазақстандық кәсіпқой боксшы Геннадий Головкин "ең көп нокаутпен жеңіске жеткен боксшы" ретінде Гиннес рекордтар кітабына енді. Бұл туралы Головкин командасының баспасөз қызметі хабарлады.

Головкинге Гиннес рекордтар кітабының сертификаты 12 желтоқсанда Лос-Анжелесте өткен WBC (Бүкіләлемдік бокс кеңесі) конвенциясында тапсырылды.

Головкин кәсіпқой бокста 36 кездесу өткізіп, 33 жекпе-жекте нокаутпен жеңіске жеткен. Кәсіпқой бокста әлі жеңіліп көрмеген боксшы нокаут бойынша қазіргі әлем чемпиондары арасында ең жоғары проценттік көрсеткішке ие - 91,67%.

34 жастағы Головкин - орта салмақ дәрежесінде (160 фунт – шамамен 73 кг) WBA (Super), IBO, WBC және IBF тұжырымдары бойынша әлем чемпионы.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

XS
SM
MD
LG