Accessibility links

Назарбаев Путинге елші қазасына байланысты көңіл айтты


Ресей президенті Владимир Путин мен Ресейдің Түркиядағы елшісі Андрей Карлов Стамбул әуежайында. 10 қазан 2016 жыл.

Қазақстан президенті Нұрсұлтан Назарбаев Ресей президенті Владимир Путинге осы елдің Түркиядағы елшісінің қаза табуына байланысты көңіл айтты.

Ресейдің Түркиядағы елшісі Андрей Карлов Анкарада 19 желтоқсанда фотокөрмеде сөйлеп тұрғанында жас жігіт оны тапаншамен атып жаралаған. Кейін Ресей сыртқы істер министрлігі елшінің ауыр жараланып қаза тапқанын хабарлаған.

Назарбаевтың баспасөз қызметі таратқан телеграмма үзіндісінде елшіге жасалған қастандық "теракт" деп сипатталған. Телеграммада Қазақстанның "терроризмнің кез-келген формасы мен көрінісін қатаң айыптайтыны" айтылған.

Бүгін бұдан ертерек Путинге елшінің қазасына байланысты Қырғызстан президенті Алмазбек Атамбаев көңіл айтқан. Қазақстан сыртқы істер министрлігі Карловқа қастандық жасауды "теракт" деп айыптаған.

Пікіріңіз

Оқырман пікірлері

AzattyqTV

XS
SM
MD
LG