Accessibility links

Бішкек: Қазақстан шекарадағы ветеринарлық бақылауды алмай отыр


Қазақстан мен Қырғызстан шекарасы.

Еуразиялық экономикалық одаққа мүше елдердің ішінде Қазақстан ғана қазақ-қырғыз шекарасындағы ветериналдық бақылауды алып тастауға келісім бермей отыр. Бұл туралы бүгін Қырғызстанның вице премьер-министрі Олег Панкратов мәлімдеді.

Оның айтуынша, Қырғызстанның ветеринарлық бақылауына ЕАЭО-дан арнайы инспекция келіп, тексеріс жүргізген. Инспекция тексерістен кейін ветеринарлық бақылауды алып тастауға келісім берген.

Азаттықтың қырғыз қызметінің хабарлауынша, Понкратов Санкт-Петербургте өтетін ЕАЭО отырысында Қырғызстан осы мәселені көтеретінін айтты.

Қырғызстан 2015 жылы 12 тамызда ЕАЭО-ның толыққанды мүшесі болып қабылданған. Осыдан кейін қазақ-қырғыз шекарасында санитарлық, фитосанитарлық және ветеринарлық бақылау алынып тасталуы керек еді. Бірақ малдардың арасында тараған ауруларға байланысты екі ел ветеринарлық бақылауға қатысты шешімді кейінге қалдырған.

Пікіріңіз

Оқырман пікірлері

XS
SM
MD
LG