Ирак үкіметінің әскері экстремистік "Ислам мемлекеті" ұйымының бақылауындағы Мосул қаласына шабуылдың екінші кезеңін бастады. АҚШ бастаған коалицияның мәлімдеуінше, "содырлардың қайтадан күш алып, керек-жарақпен қамтамасыз етілу мүмкіндігін азайту үшін" Мосулдың шығыс жағынан жаңа екі майдан ашылған.
Мосулдың шығысындағы арнайы әскердің қолбасшысы генерал Абдул-Вахаб әл-Саади Associated Press агенттігіне шабуыл үкімет әскеріне жаңа күш қосылған соң басталғанын айтады. Мосулды азат ету шайқасы - Иракта АҚШ әскері шығарылған 2011 жылдан бергі ең ірі операция. Үкімет күштері сүннит және күрд жасақтары, шииттік топтар көмектесіп жатыр. Оларға әуеден АҚШ әскери-әуе күштері де қолдау көрсетеді.
ИМ содырлары Ирактың екінші ірі қаласы Мосулды 2014 жылы жазда басып алған. Осы аптада Ирак премьер-министрі Хайдер әл-Абади Мосулды және Иракты содырлардан толық азат етуге үш уақыт кететінін мәлімдеген.