Accessibility links

Ақтауда кәсіподақ ұйымын жабуға қарсылық білдірді


Oil Construction Company кәсіподағының төрағасы Әмин Елеусінов қала әкімдігінде тұр. Ақтау, 5 қаңтар 2017 жыл.

Маңғыстау облысы Ақтау қаласында Oil Construction Company (OCC) кәсіпорнының ондаған жұмысшысы Қазақстан тәуелсіз кәсіподақтар конфедерациясының (ҚТКК) жабылуына қарсылық ретінде қаңтардың 15-інен бастап аштық жариялайтындары туралы қалалық әкімдікке өтініш берді.

Жұмысшылардың арызын қабылдап алуға шыққан Ақтау қаласы әкімінің орынбасары Қуаныш Берішбаев оларға "акциялары заңсыз" екені жайлы әкімнің жауабын оқыды. Онда "заң талабын бұзғандарға әкімшілік және қылмыстық жауапкершілік жүктелетіні" туралы ескертілген.

Мұнайшылар тәуелсіз кәсіподақты жабуға наразы
please wait

No media source currently available

0:00 0:02:27 0:00

Оңтүстік Қазақстан облыстық ауданаралық экономикалық соты қаңтардың 4-і күні кеңсесі Шымкент қаласында орналасқан Қазақстан тәуелсіз кәсіподақтар конфедерациясын жабу туралы шешімін жариялаған.

ҚТКК құрамында болған Oil Construction Company жұмысшылары ресми кәсіподаққа кіргісі келмейтіндерін айтып, тәуелсіз кәсіподақты жабуға қарсылық білдіріп отыр.

ҚТКК басшысы Лариса Харькова кәсіподақ ұйымы билік белгілеген жарты жыл ішінде қайта тіркеуден өтіп үлгермей қалғаны себепті сот шешімімен жабылғанын айтады. ҚТКК 2003 жылы "Маңғыстаумұнайгаз" компаниясына қарасты үш кәсіпорынның негізінде құрылған. Кәсіподақ ұйымның дерегінше, оның құрамында 2100 мүшесі болған.

  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

Пікірлерді көріңіз (2)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG