Accessibility links

Қазақстан президенті Нұрсұлтан Назарбаев президент әкімшілігі жетекшісінің орынбасары Бағлан Майлыбаевты қызметінен босатып, орнына Марат Тәжинді тағайындады деп хабарлады Ақорданың баспасөз қызметі. Тәжин осыған дейінгі қызметі - Қазақстанның Ресейдегі төтенше және өкілетті елшісі қызметінен босатылды.

Ресми ақпаратта Майлыбаевтың қызметінен не себепті босатылғаны айтылмаған.

Марат Тәжин президент әкімшілігі жетекшісінің орынбасары қызметін бұған дейін де - 2002-2006 жылдары атқарған. Ол бірнеше жыл президенттің көмекшісі, Қауіпсіздік кеңесінің хатшысы қызметін атқарған. 2014 жылдың ақпанынан бастап осы күнге дейін Ресейде елші болды.

Пікіріңіз

Оқырман пікірлері

XS
SM
MD
LG