Accessibility links

Теннистен 16 қаңтарда Мельбурнде басталатын Australian Open жарысының жеребесі тартылып, Қазақстан теннисшілері алғашқы қарсыластарын білді.

Қазақстанның бірінші ракеткасы Юлия Путинцева (әлемдік рейтингте 34-орында) алғашқы айналымда испаниялық Лара Арруабарренамен (64) кездеседі. Ал Ярослава Шведова (41) румыниялық Ирина Камелия-Бегумен (30) ойнайды.

Бірнеше жыл жарақатына байланысты жарыстарға қатыспаған Галина Воскобоева (310) бірінші айналымда украиналық Елина Свитолинамен (13) кортқа шығады. Ал қазақстандық тағы бір теннисші Зарина Дияс жарақат алып қалғандықтан жарысқа қатыспайды.

Ерлер арасында Михаил Кукушкин (97) бірінші айналымда іріктеуден өткен теннисшілердің бірімен кездеседі.

Grand Slam жарыстарының қатарына енетін Australian Open 26 қаңтарда аяқталады. 2016 жылы бұл жарысты әйелдер арасында Анжелика Кербер (Германия) пен ерлер арасында Новак Джокович (Сербия) жеңіп алған.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

Аудиоподкаст

XS
SM
MD
LG