Accessibility links

АҚШ сенаты Трамп төңірегінің Ресеймен байланысын тексермек


АҚШ-тың жаңадан сайланған президенті Дональд Трамп баспасөз мәслихатын өткізіп тұр. Нью-Йорк, 11 қаңтар 2017 жыл.

АҚШ сенатының барлау істері жөніндегі комитеті Ресейдің АҚШ-тағы барлау қызметі туралы зерттеу жүргізіп, оның аясында Дональд Трамптың маңайындағы адамдардың Кремльмен байланысы бар-жоғын тексермек.

Сенат комитетінің жетекшілері республикалық партия өкілі Ричард Берр және демократ Марк Уорнердің бірлескен мәлімдемесінде комитеттің зерттеуі барысында Ресейдің АҚШ-тағы 2016 жылғы президент сайлауына қалай араласқаны да тексерілетіні айтылған.

Комитет жетекшілері әсіресе АҚШ президенті сайлауына ықпал ету мақсатымен ресейлік хакерлердің шабуылдары жайлы "қатты алаңдаушылық" тудырған ақпаратқа байланысты АҚШ-тағы Ресей барлауының көлемін анықтағылары келетінін хабарлаған.

Сенат комитеті америкалық барлау және қарсы барлау қызметтерінің мәліметтерін егжей-тегжейлі зерттеп, барлау қызметкерлерін және АҚШ арнайы қызметі тергеуіне іліккен адамдарды тыңдауды жоспарлап отыр.

Соңғы кезде батыстың бірқатар баспасөз құралдары "Кремльдің қолында АҚШ-тың жаңадан сайланған президенті Дональд Трампқа қатысты компромат бары" туралы бұрын британ барлау қызметіне жұмыс істеген адам әзірлеген есепті жариялағаннан кейін АҚШ-тағы сайлау процесіне Ресейдің араласуы тақырыбына қоғам назары ауған. Дональд Трамп және америкалық көптеген сарапшылар ол "жалған ақпарат" дейді.

AzattyqTV

Душанбеде Иранға наразылық білдірді
please wait

No media source currently available

0:00 0:00:57 0:00

Фотогалерея

XS
SM
MD
LG