Ресейдің Саратов облысы Петров ауданында шағын автобус пен жүк көлігі соқтығып қалып, апат салдарынан Ресейге жұмыс істеуге бара жатқан Қырғызстанның жеті азаматы қазаға ұшыраған. Баспасөз құралдарының хабарлауынша, жол-көлік апаты бүгін түнде Нижний Новгород - Саратов тасжолының Тарумовка селосы маңына жақын жерде болған.
Жүк көлігі Пенза қаласынан шыққан. Қырғызстан билік орындары шағын автобустың қаңтардың 14-і күні Қазақстан шекарасынан Ресейге өткенін растаған.
Қырғызстандағы кедейшілік пен жұмыссыздық салдарынан осы елдің мыңдаған азаматы жұмыс іздеп шетелге кетуге мәжбүр.