Accessibility links

Қырғызстан 17 қаңтарда ұшақ апаты құрбандарын аза тұтады


Ұшақ құлаған жер. Бішкек маңы, 16 қаңтар 2017 жыл.

Қырғызстанда 17 қаңтар ұшақ апатынан қаза тапқандарды аза тұту күні деп жарияланды. Азаттықтың Қырғыз редакциясының хабарлауынша, бұл туралы жарлықты президент Алмазбек Атамбаев шығарған.

Қаңтардың 16-сы күні Қырғызстан астанасы Бішкекке жақын жердегі Манас халықаралық әуежайы маңында Гонконгтен Стамбулға ұшып бара жатқан түркиялық Боинг-747 жүк ұшағы саяжай үйлеріне құлап, 30-дан астам адам қаза тапты. Құрбандардың 28-і - Қырғызстан азаматтары, төртеуі - ұшақ экипажының мүшелері. Апаттан 11 адам жараланды.

Президент жарлығында аза тұту күні елде барлық мемлекетік органдар мен дипломатиялық және консулдық өкілдіктерде Қырғызстан туын төмен түсіріп, телеарналар, радио, мәдени орындарда ойын-сауық бағдарламаларын тоқтату ұсынылған.

Қырғызстанның бас прокуратурасы ұшақ апаты бойынша қылмыстық іс қозғады. Іс Қырғызстан қылмыстық кодексінің "Әуе көліктерін қолдану кезінде қауіпсіздік шараларын бұзып, кісі өліміне себепкер болу" бабымен ашылды.

AzattyqTV

XS
SM
MD
LG