Accessibility links

Маңғыстау облысында аштық жариялаған мұнайшылардың бірі ауруханаға түсті


OCC компаниясының жұмысшылары Маңғыстау облыстық әкімдігіне хат тапсыруға келіп тұр. Ақтау, 5 қаңтар 2017 жыл.

Маңғыстау облысында аштық жариялаған Oil Construction Company компаниясы мұнайшыларының бірі Талғат Тоқтаров 11 қаңтар күні Түпқараған аудандық ауруханасына түскен.

Әріптестерінің айтуынша, ол Түпқараған ауданына отбасы мәселесімен барған кезде қан қысымы көтеріліп кеткен. Дәрігерлер оның денсаулығының бірқалыпты екенін айтады.

Тоқтаровты емдеуші дәрігер Қайрат Сәдуақасов Азаттыққа оның іші ауырып, жүрегі айнып, құсатынына шағымданғанын айтты.

- Оған панкреатит диагнозы қойылды. Қазір ем қабылдап жатыр. Бір-екі күнде шығады, - дейді Қайрат Сәдуақасов.

OCC-тың 400-ден астам мұнайшысы қаңтардың 5-сінен бері аштық жариялап, Қазақстан тәуелсіз кәсіподақ конфедерациясын тіркеуді талап етіп жатыр. Мұнайшылар аштығын өздері жұмыс істейтін Қаламқас, Жетібай кеніштерінде және вахталық ауысымнан шыққандары кәсіподақтың Ақтаудағы кеңсесінде жұмысты тоқтатпай жалғастырып жатыр.

ОСС мұнайшылары 2011 ден бері бірнеше мәрте ереуілдеткен еді. Сол жылы олар өздерінің тәуелсіз кәсіподақ ұйымын құрған болатын. Содан бері олар өздерінің жұмыс жағдайын жақсартуға, жалақыларын көбейтуге қол жеткізгендерін айтады.

  • 16x9 Image

    Сәния ТОЙКЕН

    Сәния Тойкен Азаттық радиосында 2007 жылдан бері жұмыс істейді. ҚазҰУ-дің журналистика факультетін бітірген. Республикалық  "Қазақстан пионері", "Жас Алаш" газеттерінде тілші болған. Қазақстан Республикасы Жекешелендіру жөніндегі комитетінің баспасөз хатшысы қызметін атқарған. Атырау облыстық "Ақ Жайық" газетінде  тілші, қазақ редакциясының редакторы, Маңғыстау облысында шығатын "Не хабар?!" апталығының редакторы болып жұмыс істеген. 

    Сәния Тойкен 2017 жылы журналист әйелдердің халықаралық қоры (IWMF) тағайындаған "Журналистикадағы батылдығы үшін" сыйлығын иеленді. Ол - бұл беделді сыйлықты алған алғашқы қазақстандық журналист.

Пікірлерді көріңіз (1)

Бұл форум жабық. Бірақ пікірталасты Азаттықтың Facebook-парақшасында жалғастыра аласыз: https://www.facebook.com/azattyq
XS
SM
MD
LG