Accessibility links

Путинцева Australian Open жарысын жеңіспен бастады


Юлия Путинцева.

Қазақстанның бірінші ракеткасы Юлия Путинцева Australian Open жарысының екінші айналымына шықты. Путинцева (әлемдік рейтингте 34-орында) алғашқы айналымда испаниялық Лара Арруабарренамен (64) кездесіп, 7:6, 7:6 есебімен жеңіске жетті. Енді ол латвиялық Елена Остапенкомен (38) кездеседі.

Ерлер арасындағы жарыста қазақстандық Михаил Кукушкин (97) бірінші айналымда әлемдік рейтингте 108-орында тұрған Фрэнсис Тиафодан (АҚШ) 1:6, 7:6, 3:6, 2:6 есебімен жеңілді.

16 қаңтарда қазақстандық Александр Бублик екінші айналымға шыққан. Ал Ярослава Шведова мен Галина Воскобоева жекелей сындағы жарыстарын аяқтаған.

Grand Slam жарыстарының қатарына енетін Australian Open 26 қаңтарда аяқталады.

  • 16x9 Image

    Руслан МЕДЕЛБЕК

    Азаттықтың Прагадағы тілшісі. Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің репортері. Сочи, Рио, Пхенчхан олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG