Accessibility links

ОҚО: 236 елді мекенге орталық ауыз су құбыры тартылмаған


Аманкелді ауылындағы құдықтан су алып жүрген балалар. Оңтүстік Қазақстан облысы, Қазығұрт ауданы, Аманкелді ауылы (Көрнекі сурет).

Оңтүстік Қазақстан облысындағы 839 елді мекеннің 236-сына орталықтандырылған ауыз су құбыры, 16-сына орталықтандырылған электр қуаты тартылмаған, 149 елді мекенге тартылған электр жүйесінің сапасы нашар. Бұл туралы бүгін облыс әкімдігінде өткен брифингте облыстық энергетика және тұрғын үй-коммуналдық шаруашылығы басқармасының басшысы Марғұлан Марайым хабарлады.

Басқарма басшысының сөзінше, 839 елді мекенде тұратын халық саны әртүрлі, экономикалық әлеуетіне байланысты жік-жікке бөлінеді. Бұл елді мекендердің тізіміне шалғайда 15-20 үйден тұратын елді мекендер де кіреді. Марайымның айтуына қарағанда, оларға орталықтандырылған ауыз су құбырын тарту тиімсіз.

- Облыста тұтынылатын электр қуатының 70 пайызы шеттен тасымалданады. Аймақтағы мал шаруашылығымен айналысатын шалғайдағы 16 елді мекенге орталықтандырылған электр қуаты тартылмаған. 149 елді мекендегі электр энергиясының сапасы тиісті деңгейден төмен, - дейді Марғұлан Марайым.

  • 16x9 Image

    Дилара ИСА

    Дилара - Азаттықтың Шымкенттегі тілшісі. 1986 жылы туған. Солтүстік Қазақстан мемлекеттік университеті мен Абай атындағы ҚазҰПУ-ді бітірген.

    "Жас Алаш" газетінде жұмыс істеген.

    Азаттықпен 2012 жылдан бері әріптес.

XS
SM
MD
LG