Accessibility links

Қырғызстанда жаңа конституция қабылданды


Президент Алмазбек Атамбаев Қырғызстанның жаңа конституциясына қол қойып отыр. Бішкек, 27 қаңтар 2017 жыл.

Қырғызстан президенті Алмазбек Атамбаев бүгін елдің жаңа конституциясына қол қойды. Атамбаев қол қою кезінде азаматтардың көпшілігі конституцияға енгізілген өзгерістерді қолдағанын айтты.

Қол қою рәсіміне парламент спикері Чыныбай Турсунбеков, премьер-министр Сооронбай Жээнбеков, Жоғарғы сот төрағасы Айнаш Токбаева, парламенттегі фракциялардың жетекшілері, депутаттар мен үкімет мүшелері қатысты.

Конституцияның түпнұсқасы президент аппаратында сақталады, ал көшірмелері парламент, үкімет пен Жоғарғы сотқа беріледі.

Қырғызстанда конституцияға өзгерістер енгізу жөніндегі референдум 2016 жылдың 11 желтоқсанында өткен. Оған сайлаушылардың 42 пайызы қатысып, дауыс бергендердің 80 пайызы ұсынылған өзгерістерді қолдаған. Дауыс бергендердің 16 пайызы өзгерістер енгізуге қарсы болған. Конституцияға өзгерістер премьер-министрдің өкілеттігін кеңейту үшін жасалған. Жаңа конституция бойынша, президентке парламент депутаттарының үштен екісінің қолдауымен Конституциялық сотқа өз кандидаттарын ұсынып, судьяларды қызметінен алу құқығын береді.

AzattyqTV

Аудиоподкаст

XS
SM
MD
LG