Accessibility links

Универсиада: Биатлоншы Вишневская жарыстан шығарылды


Қазақстандық биатлоншы Галина Вишневская Алматыдағы универсиадада. 31 қаңтар 2017 жыл (Сурет авторы - Ізтұрған Алдауев).

Қазақстандық биатлоншы Галина Вишневская Алматыда өтіп жатқан универсиадада 10 километр қашықтықта із қуу сайысында жарыс ережесін бұзғандықтан жарыстан шығарылды. Вишневская нысана атуда жатып атудың орнына түрегеп тұрған күйі атып қойған. Бұған дейін 7,5 километр қашықтықта универсиада алтынын алған Вишневская бұл жарыста да фаворит саналған еді.

Бұл жарыс бойынша алтында украин спортшысы Надежда Белкина, күміс пен қоланы ресейліктер Ольга Шестерикова мен Лариса Куклина алды.

Қазақстанда қазір универсиаданың алты алтын, екі күміс және жеті қола медалі бар.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

XS
SM
MD
LG