3 ақпан күні үкіметтің кеңейтілген отырысына қатысып отырып Қазақстан президенті Нұрсұлтан Назарбаев вице-премьер Иманғали Тасмағамбетовтің қызметінен босатылып, Ресейге елші болып тағайындалғанын мәлімдеді. Ақорданың баспасөз қызметі бұл шешім туралы Facebook парақшасында жариялады.
60 жастағы Тасмағамбетов совет кезеңінде комсомол жетекшілерінің бірі болып, тәуелсіздік кезінде президенттің көмекшісі, Атырау облысының, Алматы мен Астана қалаларының әкімі және қорғаныс министрі қызметтерін атқарған.
