Accessibility links

Қазақстандық теннисші Юлия Путинцева 6 ақпанда жарияланған WTA рейтингінде 34-орыннан 27-орынға көтерілді. Бұл нәтижеден кейін ол Азияның бірінші ракеткасы атанып отыр.

Путинцева 5 ақпанда Санкт-Петербургте (Ресей) өткен теннис турнирінің финалына шығып, франциялық Кристина Младеновичтен жеңілген. Осы жарыстың финалына шыққаны үшін 70 мың АҚШ доллары мен 250 рейтингтік алды.

Қазақстандық Ярослава Шведова 46-орында, Зарина Дияс 166-орында тұр.

Әлемдік рейтингте үздік үштікке Серена Уильямс (АҚШ), Анжелика Кербер (Германия) және Каролина Плишкова (Чехия) енген.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

Аудиоподкаст

XS
SM
MD
LG