Accessibility links

Алматыда өтіп жатқан универсиадада Қазақстанның шорт-тректен ерлер құрамасы 5000 метрлік эстафетада қола медаль алды.

Финалда Қазақстан құрамасы қарсыластарының алдында келе жатқан. Мәреге 50 метр қалғанда Оңтүстік Корея спортшысы тайып құлап, Қазақстан спортшысы Абзал Ажғалиевты да шалып кетті. Осыдан кейін Қазақстан мен Оңтүстік Кореядан кейін келе жатқан Қытай мен Ресей мәре сызығын бірінші қиды. Кейін төрешілер шешімімен Оңтүстік Корея құрамасы жарыстан шеттетілді де Қытайға алтын, Ресейге күміс, Қазақстанға қола медаль берілді.

Жарыстан кейін Абзал Ажғалиев "Оңтүстік Корея спортшысы мені шалып кетпегенде эстафетада алтын алар едік" деді.

Қазақстан құрамасының бас бапкері Мәдіғали Қарсақбаев шорт-тректен жарыс өткен кешенде мұздың өте лас болғанын да айтады

- Залдың шатыры өте шаң. Микрофоннан қатты музыка, дауыс шыққанда шатырдағы шаңдар мұзға түсіп жатты. Жарыс басталып кеткендіктен тазалау кеш болды, - деді құрама жаттықтырушысы.

Шорт-тректен Қазақстан әйелдер құрамасы 3000 метрде Оңтүстік Корея мен Қытайдан кейін қола медаль иеленді.

Қазақстан шорт-трек құрамасы Алматыдағы универсиадада бір күміс, бес қоламен шектелді. Оңтүстік Корея алты, Қытай үш алтынды алды.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG