Қазақстанның ұлттық қауіпсіздік комитеті (ҰҚК) "террористік іс-әрекетке қатысуға дайындалды" деген айыппен 15 адам қамауға алынғанын 11 ақпан күні ресми сайты арқылы хабарлады.
Бірақ ҰҚК баспасөз қызметі таратқан ақпаратта ол "радикалдардың" қандай топқа жататыны не аты-жөндері айтылмаған.
ҰҚК "13-24 қаңтар аралығында Алматы қаласы және Алматы облысы аудандарында екі радикал топ және діни-экстремистік идеологияны ұстанушы 6 адамның іс-әрекеті бейтараптандырылғанын" хабарлайды.
"Ұсталғандардың мекенжайларын тінту барысында 5 граната, халықаралық террористік ұйымдар атрибутикасы, діни мазмұндағы әдебиет және ақпаратты электрондық тасымалдауыштар" тәркіленген.
