Accessibility links

Биатлоншы Савицкий - Азиада чемпионы


Биатлоннан ерлер арасындағы спринтте алтын алған Ян Савицкий (ортада), күміс жүлдегер Василий Подкратов (сол жақта) және қола жүлдегер Микито Ташизаки (оң жақта). 23 ақпан 2017 жыл (Сурет авторы - Данияр Майлыбаев).

Жапонияның Саппоро қаласында өтіп жатқан қысқы Азия ойындарында биатлонның спринт жарысында қазақстандық биатлоншы Ян Савицкий алтын, Василий Подкратов күміс алды. Жапониялық Микито Тачизаки қола медаль иеленді.

Бұл - Қазақстанның Азия ойындарындағы екінші алтыны. Бұған дейін шаңғыдан Ринат Мухин Азиада чемпионы атанған. Сондай-ақ бүгін, шаңғымен жүгіруде қазақстандық Елена Коломина бес километрлік классикалық жарыста күміс иеленді. Коломина бұған дейін Саппорода бір күміс, бір қола жеңген.

Қазір Қазақстан екі алтын, екі күміс, төрт қола медальмен жалпы есепте Оңтүстік Корея, Жапония, Қытайдан кейін төртінші орында келеді.

Азия ойындары 26 ақпанда аяқталады.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

XS
SM
MD
LG