Accessibility links

Фристайлшы Галышева - Азия ойындарының чемпионы


Фристайлшы Юлия Галышева Саппородағы Азия ойындарында (Сурет авторы - Данияр Майлыбаев).

Қазақстандық фристайлшы Юлия Галышева Жапонияның Саппоро қаласында өтіп жатқан Азия ойындарының чемпионы атанды.

Ол жұптық могул (dual mogul) бағдарламасы бойынша жеңіске жетті. Галышева финалда жапониялық Ариса Муратаны ұтты.

Ерлер арасындағы жұптық могул сынында қазақстандық Дмитрий Рейхерд қола жүлде иеленді. Рейхерд пен Галышева Алматыда өткен қысқы универсиадада кезінде екі-екі алтыннан алған.

Сондай-ақ шаңғыдан Қазақстан ерлер құрамасы эстафеталық жарыста Жапониядан кейін мәреге екінші келіп, күміс жүлдемен шектелді.

Қазақстан бес алтын, бес күміс, жеті қоламен жалпы есепте төртінші орында келеді. Бірінші орында Жапония (17 алтын, 16 күміс, 17 қола), екінші орында Оңтүстік Корея (14-13-12), үшінші орында Қытай (6-8-6) тұр.

  • 16x9 Image

    Руслан МЕДЕЛБЕК

    1990 жылы 4 қаңтарда дүниеге келген.

    Қазақ ұлттық университеті журналистика факультетін "Халықаралық журналистика" мамандығы бойынша тәмамдаған.

    Халықаралық спорт журналистері қауымдастығы мен Халықаралық олимпиада комитетінің жас репортері.

    "Спорт", "Қазақ спорты" газеттерінде, "Алматы" телеарнасында журналист-репортер болған. 2012 жылдан бері "Азаттық" радиосының тілшісі. Сочи - 2014 қысқы және Рио - 2016 жазғы олимпиада ойындарынан тікелей хабар таратты.

    Автормен оның Facebook парақшасында да пікірлесуге болады.

AzattyqTV

XS
SM
MD
LG