Сирияның Әл-Баб қаласында автокөліктегі бомба жарылысы салдарынан 41 адам қаза тапқан. Жарылыс сириялық оппозицияның өткізу-бақылау бекетінде жасалған. Зардап шеккендердің көпшілігі – бейбіт тұрғындар деп хабарланды.
Бейсенбі күні Түркия армиясының қолдауына сүйенген сириялық оппозиция күштері исламшылдарды Сирияның солтүстік-батысындағы соңғы тірегі – Әл-Баб қаласынан ығыстырған.
Қазіргі уақытта олар исламшылдар орнатқан бомбаларды залалсыздандырумен айналысып жатыр. Қалада қалған кей терроршылар өздері қазған жер асты тоннельдеріне жасырынып жүр деп хабарланды.
