Accessibility links

Трамп АҚШ армиясына "қомақты қаржы" сұрамақшы


АҚШ президенті Дональд Трамп. Мэриленд, 24 ақпан 2017 жыл.

АҚШ президенті Дональд Трамп елдің қарулы күштеріне "қомақты қаржы" сұрамақ ниеті барын мәлімдеді. Бұл туралы ол жұма күні консервативтік саяси партиялар конференциясында айтқан. Армияға қаржыны қандай кезеңге бөлуді сұрайтыны жайлы Ақ үй басшысы нақтыламады.

Президент Трамп АҚШ қарулы күштерін нығайту және жетілдіруге ниетті екенін мәлімдеген. Оның сөзінше, бұл ел тарихындағы ең ірі әскери қуатты арттыру болуы мүмкін.

Құрама Штаттардың қорғаныс бюджеті 500 миллиард доллардан астам соманы құрайды. Бұл Қытай, Ресей, Сауд Арабиясы және Ұлыбритания тәрізді елдердің қорғаныс саласына жұмсайтын шығындарын қоса есептегендегіден артық қаржы.

Ақпан айының басында АҚШ қорғаныс министрі Джеймс Мэттис «Ислам мемлекеті» экстремистік тобына қарсы күреске америкалық әскерилердің әзірлігін қамтамасыз ету үшін елдің 2017 жылға арналған әскери бюджетін қайта қарау қажеттігі туралы мәлімдеген.

XS
SM
MD
LG