Accessibility links

Қырғызстанда Текебаевтың серігі қамалды


Дүйшөнкул Чотонов, Қырғызстанның бұрынғы депутаты.

Қырғызстан парламентінің бұрынғы депутаты, "Ата мекен" партиясының мүшесі Дүйшөнкул Чотонов 48 сағатқа қамауға алынды деп хабарлады Қырғызстанның Мемлекеттік ұлттық қауіпсіздік комитеті (МҰҚК). Комитет ақпаратына қарағанда, Чотоновқа "коррупция" және "алаяқтық" баптары бойынша қылмыстық іс қозғалған.

Чотонов 26 ақпанда 48 сағатқа қамауға алынған оппозициялық саясаткер Омурбек Текебаевтың ісі бойынша тергелген. Қазір ол МҰҚК-ның тергеу абақтысында.

25 ақпанда Қырғызстан бас прокуратурасы "Ата Мекен" фракциясының жетекшісі Омурбек Текебаев пен тағы бірнеше адамның үстінен "коррупция" және "алаяқтық" баптары бойынша қылмыстық іс қозғап, ол іс бойынша тергеудә МҰҚК-нің тергеу басқармасына тапсырған.

Дүйшөнкул Чотонов 2010 жылғы сәуір оқиғасынан кейін төтенше жағдайлар министрі, Қырғызстанның Оңтүстік Кореядағы елшісі қызметтерін атқарған.

AzattyqTV

XS
SM
MD
LG