Accessibility links

Оралдық белсенді шабуылға ұшырағанын хабарлады


Оралдық белсенді Исатай Өтепов жер реформасына қатысты наразылық акциясын өткізіп тұр. Орал, 24 сәуір 2016 жыл.

Оралдық азаматтық белсенді Исатай Өтепов өткен түні өзіне шабуыл жасалғанын хабарлады. Өтеповтің Азаттыққа айтуынша, дүйсенбіге қараған түні шамамен сағат бірде әйелімен және жасқа толмаған баласымен бірге қонақтан үйіне қайтып келе жатқанда белгісіз үш адам өзіне шабуылдаған.

- Үйімнің жанында үш жас бала тұрды. Олардың бірі менен фамилиям мен атымды сұрады. Мен мұның арандату болуы мүмкін екенін бірден түсіндім, төбелес басталып кетті. Сосын олар қашып кетті, - деді Исатай Өтепов.

Белсенді төбелес кезінде жұдырығын ауыртып алғанын, ауыр дене жарақатын алмағанын айтады. Өтепов оқиға туралы бірден Facebook-те хабарлады. Белсенді полицияға шағымданбаған. Ол "Арандату саяси көзқарастарым мен әлеуметтік желідегі жазбаларым үшін ұйымдастырылған болуы мүмкін" дейді.

Исатай Өтепов өткен жылы көктемде Оралдың орталық алаңында "жер мәселесі" бойынша бір кісілік наразылық акциясын өткізгені үшін айыппұл салынып, кейін 15 тәулікке қамалған. Өтеповтің сөзінше, бір ай бұрын Қазақстан билігінің бастамаларына қатысты сыни пікірлерін жариялағаны үшін өзін облыстық ішкі істер департаментіне "түсіндіру жұмыстарына" бірнеше рет шақыртқан.

  • 16x9 Image

    Санат ОРЫН ӘЛИ

    Санат 2014 жылы қарашада Азаттықтың Батыс Қазақстандағы тілшісі ретінде қызметке кірісті. 2005 жылы Батыс Қазақстан мемлекеттік университетінің филология факультетін бітірген. Қызмет жолын "Уральская газета" басылымында бастаған. 2006-2014 жылдары Алматы мен Астанадағы түрлі БАҚ-тарда жарияланып тұрған.

Пікіріңіз

Оқырман пікірлері

AzattyqTV

XS
SM
MD
LG