Оралдың орталығындағы "Атриум" сауда орталығында бүгін ондаған адам ғимаратта қамалып қалды. Полиция қызметкерлері себебін айтпастан ғимаратқа ешкімді кіргізбей, я ешкімді сыртқа шығармай қойды.
Орал тұрғыны, сауда үйінен шыға алмай қалғандардың бірі Қымбат Ұлжанованың айтуынша, әуелде полиция қызметкерлері өздеріне "террористер" туралы, кейін "жаттығу жүріп жатқаны" туралы айтқан.
Кейін Батыс Қазақстан обылстық ішкі істер департаментінің баспасөз қызметі қалада жоспарлы "Орал Антитеррор-2017" жоспарлы антитеррорлық жедел-тактикалық жаттығуы өтіп жатқанын хабарлады.
"Жаттығу өтетін аумақта жүріп-тұруға шектеу енгізілгеніне байланысты, тыныштық сақтауды, арнайы және құқық қорғау органдары қызметкерлерінің талаптарын орындаудысұраймыз" делінген ІІД хабарламасында.
