Accessibility links

АҚШ Ресейді жаңа қанатты зымырандарын орналастырды деп айыптады


Пол Сельва, АҚШ қарулы күштері штабы басшылары комитеті төрағасының орынбасары.

АҚШ қарулы күштері штабы басшылары комитеті төрағасының орынбасары Пол Сельва Ресейдің қырғи-қабақ соғысы жылдарындағы ядролық қару туралы келісімнің "мақсатын бұзып", құрлықтан атылатын қанатты зымыран орнатты деп айыптады. Генерал Пол Сельва Ресей өзінің жаңа SSC-8 зымырандары жүйесін орналастырып, "НАТО-ға қауіп төндірді" деп айыптады.

Пентагон SSC-8 зымырандары 1987 жылғы Орта және қысқа қашықтықтағы зымырандарды жою туралы келісімнің шарттарын бұзады деп мәлімдегеніне қарамастан Мәскеу оларды жасап, сынақтан өткізумен бірнеше жылдан бері айналысқан. Сельваның сөзінше, бұл жүйе НАТО-ның Еуропадағы көптеген нысандарына қауіп төндіреді. Ол сонымен қатар "Ресей зымырандарын НАТО-ға және альянс жауапкершілігіне алған нысандарға доқ көрсету үшін әдейі орналастырды деп ойлаймыз" деді.

АҚШ-тың бұрынғы президенті Барак Обама Ресейді келісімді бұзды деп айыптаған. Бірақ Сельва Ресейдің SSC-8 зымыран жүйесін орналастырғаны туралы жария түрде алғаш мәлімдеді.

AzattyqTV

XS
SM
MD
LG